كاسات مهلبيه
المقادير:
3كوب لبن----6ملاعق كبيرة سكر------3ملاعق كبيرة نشا---2معلقة كاكاو----1معلقة نسكافية----فانيليا
الطريقة
اول حاجة نحط كوبلبن +2معلقةسكر+ الفانيليا علي النار و لما يغلي نحط عليهم معلقة نشا دايبة في شوية ماء صغيرين خالص و نقلب بسرعة لحد ما تتقل كدة يبقي عملنا مهلبية فانيليا و نروح نصبها في كاسات اوبولات شفافةنصب في كل كاس شوية صغيرة حوالي ثلثه بس
نروح علي النار تاني نحط كوب لبن +2معلقة سكر+معلقة نسكافية و اول مايغلي نحط عليهم معلقة النشا دايبة في ميه برضة لحد ما تتقل نروح علي الكاسات و نحط الطبقة التانية براحة و نحطها بالمعلقة شوية شوية وكدة يبقي ملينا ثلثتن الكاس بعد كده نروح علي اخر كوب لبن +2معلقة سكر +2معلقة كاكاو(نخل بالنا اللون يكون اغمق من النسكافية يعني لو نحتاج زود الكاكاو شوية)وبعدين نربطهم بالنشا و نحط برضو بالراحه بالمعلقة
كدة هيطلع عندك الكاس متقسم 3 الوان ابيض وعسلي و بني شكله شيك جدا و نزوق الوش باي حاجه انا حطيت شيكولاتة مبشورة مع بسكوتة السيجار
هتقولوا محتاجة وقت لا خالص انت اللبن كلة اغليه مرة واحدة مش هتاخد منك وقت لان اللبن هيكون سخن هتخلص في حوالي 10دقايق بس شكلها وطعمها جميل و يا ريت ترضوا عليه
لو مش عايزةتعملي نسكافية ممكن تحطي معلقة سكر تعمل كراميل وتحطيها علي اللبن بدل النسكافية وتكملي او تعملي اربع الوان عادي فانيليا كراميل نسكافية شوكولاته
يارب تعجبكم وتقولو رايكم عايزة اسمع الردودوشكرا
